School Anthem

ՔԱՅԼԵՐԳ

ՀԱՅ ԱՒԵՏԱՐԱՆԱԿԱՆ ՇԱՄԼԵԱՆ-ԹԱԹԻԿԵԱՆ ԵՐԿՐՈՐԴԱԿԱՆ ՎԱՐԺԱՐԱՆԻ

(Նոր Մարաշ, Լիբանան)

Շամլեան-Թաթիկեան Վարժարան,

Անունդ ապրի՛:

Ջահդ՝ Աւետ. Կրթական օրրան,

Բոցավառի՛:

Մէկտեղ կու գանք քեզ պատուելու,

Խաւարն մընայ քեզմէ հեռու,

Պահենք փարոսդ մեր լուսատու՝

Համբաւդ բարի:

Մայրիներու հողէն ցայտուն,

Ջինջ աղբերակ,

Ջուրդ՝ Մեսրոպեան հիւթով լեցուն՝

Կ’անցնէ պապակ:

Անով կը մնաս մեզի ընկեր,

Ընդդէմ չարի բերդ մ’անվեհեր,

Եւ կ’ընես մեզ ծառայասէր

Սիրտ, կամք համակ:

Կ’ողջունեն քեզ, Մա՛յր Վարժարան,

Տուն հոգեսուն,

Ցոյց տո՛ւր ուղին ճշմարտութեան,

Իղձն մեր հոգւոյն:

Օրերուն մէջ եւս ապառնի

Թող մեր վերեւ դրօշդ ծածանի,

Մինչ միանանք երգիդ դաշնի,

Ուխտի հանգոյն:

ՎԵՐ. ՅՈՎՀԱՆԷՍ ԱԿՆԵՐԵԱՆ